Realtor YAYA
Future Move Properties

ဘန်ကောက်ကွန်ဒို
ဝယ်ယူသူတိုင်းသိထားသင့်သည့်
အမေးအများဆုံးမေးခွန်းများ

ဘန်ကောက်မှာ ကိုယ်ပိုင် ကွန်ဒိုတစ်ခန်းလောက် ဝယ်ယူဖို့ စဉ်းစားနေပြီလားခင်ဗျာ။ Project တစ်ခုချင်းစီရဲ့ ဈေးနှုန်းတွေ မကြည့်ခင် မြန်မာဝယ်သူတိုင်း အရင်ဆုံး သိထားသင့်တဲ့ အခြေခံအချက်လေးတွေကို စုစည်းပေးထားပါတယ်။ ကိုယ့်အမည်ပေါက် တစ်သက်တာ ပိုင်ဆိုင်ခွင့် (Freehold)၊ FET ငွေလွှဲနည်း၊ အပိုကုန်ကျစရိတ်၊ အငှားဝန်ဆောင်မှုနဲ့ ကိုယ်နဲ့အကိုက်ညီဆုံး အခန်းရွေးချယ်ပုံ အဆင့်ဆင့်ကို ဒီတစ်နေရာတည်းမှာ အေးအေးဆေးဆေး လေ့လာဖတ်ရှုနိုင်ပါပြီခင်ဗျာ။

Foreign Quota Freeholdကိုယ့်အမည်ပေါက် · တစ်သက်တာပိုင်ဆိုင်ခွင့်
FET ငွေလွှဲအထောက်အထားအမည်ပြောင်းဖို့မရှိမဖြစ်လိုအပ်ပါတယ်
တိုင်ပင်ပြီးမှ၊ သင့်တော်တဲ့ အခန်းပဲ ရောင်းမယ်ဈေးနဲ့အသေးစိတ်ကို သီးသန့်စာမျက်နှာမှာ ကြည့်ပါ
မေးခွန်း ၁၈ ခု

ဝယ်ယူမှု အခြေခံ

မေးခွန်း ၁ဗီဇာအမျိုးအစားပေါ် မူတည်ပြီး ကွန်ဒိုဝယ်ယူခွင့် ကန့်သတ်ချက် ရှိပါသလား?

ထိုင်းမှာ ကွန်ဒိုဝယ်မယ်ဆိုရင် ၁၄ ရက် ဗီဇာနဲ့ပဲလာလာ၊ ၂ လ ဗီဇာနဲ့ပဲလာလာ စိတ်အေးအေးနဲ့ ဝယ်လို့ရပါတယ်ခင်ဗျာ။

ထိုင်းဥပဒေအရ နိုင်ငံခြားသားတွေအနေနဲ့ မြေကွက်ကို ကိုယ့်အမည်ပေါက်နဲ့ တိုက်ရိုက် ဝယ်ခွင့်မရှိပေမဲ့၊ ကွန်ဒိုအခန်းကိုတော့ နိုင်ငံခြားသား ဝယ်ယူခွင့် အချိုးအစား (Foreign Quota — မေးခွန်း ၂ တွင် ကြည့်ပါ) အတွင်းမှာ ကိုယ့်အမည်ပေါက်နဲ့ တရားဝင် ဝယ်ယူပိုင်ဆိုင်ခွင့် ပေးထားပါတယ်။ လိုအပ်တာကလည်း သက်တမ်းရှိ Passport၊ ဝယ်မယ့်အခန်းမှာ Foreign Quota ကျန်သေးတာနဲ့ အမည်ပြောင်းချိန်မှာ တင်ပြရမယ့် ပြည်ပမှ ငွေလွှဲဝင်ကြောင်း အထောက်အထား (FET — မေးခွန်း ၄ တွင် ကြည့်ပါ) ဒီအချက်လေးတွေပါပဲ။ နေထိုင်ခွင့် ဗီဇာနဲ့ ပိုင်ဆိုင်ခွင့်က သီးခြားစီမို့ ဗီဇာအမျိုးအစားကြောင့် ဝယ်ခွင့် ကန့်သတ်တာမျိုး လုံးဝ မရှိပါဘူးခင်ဗျာ။

သတိပြုစရာလေးတစ်ခုကတော့ အခန်းတိုင်းကို Foreign Quota နဲ့ ဝယ်လို့ရတာ မဟုတ်ပါဘူး။ Project တစ်ခုမှာ နိုင်ငံခြားသားကို ရောင်းပေးနိုင်တဲ့ အချိုးအစား ကန့်သတ်ထားတာမို့ ကိုယ့်စိတ်ဝင်စားတဲ့ အခန်းမှာ Quota ကျန်သေးရဲ့လားဆိုတာ အရင်ဆုံး စစ်ဆေးအတည်ပြုဖို့ လိုပါတယ်ခင်ဗျာ။

မေးခွန်း ၂Foreign Quota Freehold ဆိုတာ ဘာလဲ? ကိုယ့်အမည်ပေါက် ပိုင်ဆိုင်နိုင်ပါသလား?

Freehold ဆိုတာ သက်တမ်းကန့်သတ်ချက် မရှိဘဲ တစ်သက်တာ အပြည့်အဝ ပိုင်ဆိုင်ခွင့် ကို ပြောတာပါခင်ဗျာ။ Foreign Quota ဆိုတာကတော့ Project တစ်ခုလုံးရဲ့ ရောင်းချခွင့်ရှိတဲ့ ဧရိယာထဲက နိုင်ငံခြားသားတွေကို ရောင်းခွင့်ပြုထားတဲ့ အချိုးအစား ဖြစ်ပါတယ်။

Foreign Quota Freehold နဲ့ ဝယ်ယူလိုက်ပြီဆိုရင် အခန်းကို လူကြီးမင်းရဲ့ အမည်ပေါက် နဲ့ Land Office မှာ တရားဝင် မှတ်ပုံတင်ပြီး ဂရန်စာအုပ် Title Deed (Chanote) ကို ပထမဆုံးပိုင်ရှင် (First Owner) အနေနဲ့ လက်ဝယ် ရရှိမှာပါ။ ကွန်ဒိုအသစ်ဆိုရင် ကိုယ်က ပထမဆုံး အမည်ပေါက် ပိုင်ရှင် ဖြစ်ပါတယ်။

  • တစ်သက်တာ ပိုင်ဆိုင်ခွင့် အပြည့်အဝ ရရှိပါတယ်။
  • စိတ်ကြိုက် ပြန်ရောင်းလို့ ရသလို၊ အငှားချထားလို့လည်း ရပါတယ်။
  • ကိုယ့်သားသမီး မြေးမြစ်တွေဆီကို တရားဝင် အမွေလွှဲပြောင်း ပေးလို့ ရပါတယ်။

(မှတ်ချက် - နှစ်ရှည်ငှားရမ်း ပိုင်ဆိုင်ရတဲ့ Leasehold ပုံစံနဲ့ မတူပါဘူး။ Leasehold က သက်တမ်းကုန်ရင် သက်တမ်းပြန်တိုးရတဲ့ ကိစ္စတွေ ရှိပါတယ်။ ဒါကြောင့် ဝယ်ခါနီးတိုင်းမှာ ကိုယ့်အခန်းက Freehold ဟုတ်မဟုတ်၊ Foreign Quota အတွင်း ပါမပါ အမြဲ အတည်ပြုပေးပါတယ်ခင်ဗျာ။)

မေးခွန်း ၃ကွန်ဒို ဝယ်ယူမှု အဆင့်ဆင့်က ဘယ်လိုရှိပါသလဲ?

Project တစ်ခုနဲ့တစ်ခု အသေးစိတ်လေးတွေ အနည်းငယ် ကွာနိုင်ပေမဲ့ အခြေခံ ဝယ်ယူမှု အဆင့်ဆင့်ကတော့ ရိုးရှင်းပါတယ်ခင်ဗျာ။

  1. တိုင်ပင်ပြီး အခန်းရွေးချယ်ခြင်း — Budget၊ တည်နေရာ၊ အခန်းအကျယ်နဲ့ ကိုယ်တိုင်နေမလား အငှားချမလားဆိုတဲ့ ရည်ရွယ်ချက်ပေါ် မူတည်ပြီး အကိုက်ညီဆုံး အခန်းကို အတူတူ ရွေးချယ်ကြပါတယ်။ အခန်းကို ကိုယ်တိုင် လာကြည့်လို့ ရသလို၊ အဝေးကနေ ဗီဒီယိုနဲ့လည်း သေချာ ကြည့်နိုင်ပါတယ်။
  2. Booking (ကြိုတင်မှာယူခြင်း) — ကိုယ်ကြိုက်တဲ့ အခန်းလေးကို သူများ ဦးမသွားခင် ထိန်းထားဖို့ Booking Fee လေး သွင်းပြီး အခန်းကို Lock လုပ်ထားရပါတယ်။
  3. စာချုပ်ချုပ်ဆိုခြင်း — ဝယ်ယူမှု စာချုပ် (Contract) ချုပ်ဆိုပြီး Down Payment အဆင့်ကို ဆက်သွားပါတယ်။ စာချုပ်ထဲက ငွေပေးချေမှု အစီအစဉ် (Payment Plan) နဲ့ အမည်ပြောင်းမယ့် ရက်တွေကို ဒီအဆင့်မှာ သေချာ စစ်ဆေးအတည်ပြုပါတယ်။
  4. ငွေပေးချေမှုနှင့် FET ပြင်ဆင်ခြင်း — စာချုပ်ပါ Payment Plan အတိုင်း အဆင့်ဆင့် ပေးချေပြီး၊ အမည်ပြောင်းဖို့ လိုအပ်တဲ့ FET အထောက်အထား ပြည့်စုံအောင် စီစဉ်ရပါတယ်။ (မေးခွန်း ၄ နဲ့ ၅ မှာ အသေးစိတ် ရှင်းပြထားပါတယ်)
  5. Room Inspection (အခန်းစစ်ဆေးခြင်း) — အခန်းမအပ်ခင် အခန်းတွင်း ချို့ယွင်းချက်တွေ ရှိမရှိ သေချာစစ်ဆေးပြီး Developer ဘက်က အကုန် ပြန်ပြင်ပေးဖို့ လုပ်ဆောင်ပါတယ်။ (မေးခွန်း ၁၁ မှာ ကြည့်နိုင်ပါတယ်)
  6. အမည်ပြောင်း လွှဲပြောင်းခြင်း (Transfer) — ကျန်ငွေ အကြေပေးချေပြီး Land Office မှာ ကိုယ့်အမည်ပေါက် Title Deed ကို လက်ခံရယူပါတယ်။ ဒီအဆင့်မှာ Transfer Fee စတဲ့ တစ်ကြိမ်တည်း ကုန်ကျစရိတ်တွေ ပေးဆောင်ရပါတယ်။

ကျွန်တော်တို့ Realtor YAYA အဖွဲ့က အခန်းစရွေးတဲ့ အဆင့်ကနေ ကိုယ့်အမည်ပေါက် စာအုပ် လက်ထဲရောက်တဲ့အထိ အဆင့်တိုင်းမှာ ဘေးကနေ အစအဆုံး လိုက်ပါဆောင်ရွက်ပေးပါတယ်ခင်ဗျာ။

မေးခွန်း ၁၅BOI ကွန်ဒို ဆိုတာ ဘာလဲ၊ မြန်မာဝယ်သူ ဝယ်လို့ရလား?

ဘတ် ၁ သန်းကျော်နဲ့ ရောင်းတဲ့ ကွန်ဒိုဆိုတာ BOI ကွန်ဒိုပါ။ BOI (Board of Investment) ဆိုတာ ထိုင်းအစိုးရက ဝင်ငွေနည်းတဲ့ ထိုင်းနိုင်ငံသားတွေ ရထားဘူတာနဲ့ နီးတဲ့နေရာမှာ ဈေးသက်သက်သာသာနဲ့ ကိုယ်ပိုင်အိမ် ဝယ်နိုင်အောင် Developer တွေကို အခွန်လျှော့ပေါ့ပေးပြီး အားပေးထားတဲ့ အစီအစဉ်ပါခင်ဗျာ။

ဈေးသက်သာရတဲ့ အကြောင်းက ၂ ချက် ရှိပါတယ် — အစိုးရ အခွန်လျှော့ပေးထားတာရယ်၊ Developer က ကိုယ်တိုင်ဆောက်လို့ ကုန်ကျစရိတ် သက်သာတာရယ်ပါ။ ဒါပေမဲ့ ဈေးချိုတိုင်း ဘယ်သူမဆို ဝယ်လို့မရပါဘူး — ထိုင်းနိုင်ငံသားတွေဆိုရင် လစဉ်ဝင်ငွေ ဘတ် ၅၀,၀၀၀ ထက် မပိုရဘူး၊ တစ်ယောက် တစ်ခန်းပဲ ဝယ်လို့ရပါတယ်။

ဒီအခန်းတွေကို ထိုင်းနိုင်ငံသားတွေကို အရင်ဦးစားပေး ရောင်းပါတယ်။ မြန်မာဝယ်သူတွေအနေနဲ့တော့ ထိုင်းနိုင်ငံသားတွေ ဝယ်ပြီးလို့ ကျန်တဲ့ Foreign Quota အခန်း ဒါမှမဟုတ် ပြန်လည်ရောင်းချတဲ့ (Resale) အခန်းတွေကို ပုံမှန်ဈေးကွက်ပေါက်ဈေးနဲ့ ဝယ်ယူရတာမို့ ဈေးနှုန်းချင်းတော့ ကွာခြားပါတယ်ခင်ဗျာ။

မေးခွန်း ၁၆ဘန်ကောက်ကို ကိုယ်တိုင် မလာနိုင်ဘဲ အဝေးကနေ ကွန်ဒိုဝယ်လို့ရလား?

ဟုတ်ကဲ့၊ စိတ်ချလက်ချ ဝယ်လို့ရပါတယ်ခင်ဗျာ။ ဘန်ကောက်ကို ကိုယ်တိုင် မလာနိုင်သေးရင်လည်း အခန်းဗီဒီယိုတွေနဲ့အတူ တိုက်ရိုက် Video Call ခေါ်ပြီး အသေးစိတ် ကြည့်ရှုဝယ်ယူနိုင်ပါတယ်။

အခန်းရွေးချယ်တဲ့ အဆင့်ကနေ စာရွက်စာတမ်း ကိစ္စအဝဝကို ကျွန်တော်တို့အဖွဲ့က ကိုယ်စား လိုက်ပါဆောင်ရွက်ပေးပြီး၊ ကိုယ့်အမည်ပေါက် Title Deed လက်ဝယ်ရောက်တဲ့အထိရော၊ ပြန်ငှားချင်ရင် အငှားတင်ပေးတဲ့အထိပါ အစအဆုံး တာဝန်ယူ ဆောင်ရွက်ပေးပါတယ်။ ယုံကြည်စိတ်ချရဖို့အတွက် ကျွန်တော်တို့ဆီကနေ အဝေးကနေပဲ ဝယ်ယူပြီး အိမ်ပိုင်ရှင် စာအုပ်အပြာ (Owner Book / Tabien Baan) နဲ့ ဂရန်စာအုပ် (Title Deed) အပ်နှံပေးခဲ့တဲ့ မှတ်တမ်းဓာတ်ပုံတွေလည်း အများကြီး ရှိပါတယ်ခင်ဗျာ။

ငွေပေးချေမှု နှင့် ကုန်ကျစရိတ်

မေးခွန်း ၄FET ဆိုတာ ဘာလဲ? ဘာကြောင့် အရေးကြီးပါသလဲ?

FET (Foreign Exchange Transaction) ဆိုတာ ကွန်ဒိုဝယ်ဖို့ ငွေတွေကို နိုင်ငံခြားကနေ ထိုင်းနိုင်ငံထဲကို တရားဝင် လွှဲဝင်လာကြောင်း သက်သေပြတဲ့ ဘဏ်အထောက်အထား စာရွက်ပါခင်ဗျာ။

နိုင်ငံခြားသား အမည်ပေါက်နဲ့ Land Office မှာ အမည်ပြောင်းတော့မယ်ဆိုရင် ကွန်ဒိုဝယ်တဲ့ငွေက ပြည်ပကနေ တရားဝင် ဝင်လာတာဖြစ်ကြောင်း ပြသဖို့ ဒီ FET စာရွက်ကို မရှိမဖြစ် တောင်းပါတယ်။ တကယ်လို့ FET မပြနိုင်ဘူးဆိုရင် Foreign Quota နဲ့ ကိုယ့်အမည်ပေါက် မှတ်ပုံတင်လို့ မရပါဘူး။

ဒါကြောင့် ငွေကို ဘယ်လမ်းကြောင်းကနေ လွှဲမလဲဆိုတာ ဝယ်ခါနီးမှ ကပ်စဉ်းစားတာမျိုး မဟုတ်ဘဲ အစကတည်းက ကြိုတင်စီစဉ်ထားဖို့ အရမ်းအရေးကြီးပါတယ်။ ငွေလွှဲနည်း ၂ မျိုးကို မေးခွန်း ၅ မှာ အသေးစိတ် ရှင်းပြထားပါတယ်ခင်ဗျာ။

မေးခွန်း ၅FET ရရှိအောင် ငွေကို ဘယ်လို လွှဲရပါသလဲ?

လူကြီးမင်းရဲ့ အခြေအနေပေါ် မူတည်ပြီး ရွေးချယ်စရာ နည်းလမ်း ၂ မျိုး ရှိပါတယ်ခင်ဗျာ။

နည်းလမ်း ၁ နိုင်ငံခြားဘဏ်အကောင့်မှ တိုက်ရိုက် လွှဲခြင်း

လူကြီးမင်း ကိုယ်တိုင်မှာဖြစ်ဖြစ်၊ မိသားစုဝင် ဒါမှမဟုတ် ဆွေမျိုးမိတ်ဆွေ တစ်ယောက်ယောက်မှာဖြစ်ဖြစ် နိုင်ငံခြားဘဏ်အကောင့် ရှိတယ်ဆိုရင် အဲဒီအကောင့်ကနေ Developer ရဲ့ ထိုင်းဘဏ်အကောင့်ဆီ တိုက်ရိုက် လွှဲပေးလို့ ရပါတယ်။ ဒီနည်းလမ်းက ဘဏ်ကနေ FET ကို တန်းထုတ်ပေးတာမို့ အပို ဝန်ဆောင်ခ လုံးဝ မကုန်ဘဲ ကွန်ဒိုတန်ဖိုး အတိအကျကိုပဲ လွှဲရမှာပါ။ (ငွေလွှဲတဲ့အခါ ရည်ရွယ်ချက်နေရာမှာ ကွန်ဒိုဝယ်ယူရန် ဆိုတာကို မှန်မှန်ကန်ကန် ထည့်ရေးဖို့တော့ လိုပါတယ်ခင်ဗျာ။)

နည်းလမ်း ၂ Agent (သို့) ထိုင်းဘဏ်အကောင့်မှတစ်ဆင့် လွှဲခြင်း

တကယ်လို့ နိုင်ငံခြားဘဏ်အကောင့် မရှိဘူးဆိုရင်လည်း စိတ်မပူပါနဲ့။ ငွေလွှဲ Agent မှတစ်ဆင့်ဖြစ်ဖြစ်၊ ကိုယ့်ရဲ့ ထိုင်းဘဏ်အကောင့်ကနေ ဘတ်ငွေနဲ့ဖြစ်ဖြစ် တိုက်ရိုက် ပေးချေလို့ ရပါတယ်။ ဒါပေမဲ့ ပြည်တွင်းကနေ လွှဲတာဖြစ်လို့ FET အထောက်အထား တန်းမပါတဲ့အတွက် FET ရရှိအောင် သီးသန့် Service နဲ့ သီးခြား စီစဉ်ဆောင်ရွက်ရပါတယ်။

နည်းလမ်း ၂ ရဲ့ ဝန်ဆောင်ခ အကြောင်း — ဒီဝန်ဆောင်ခက Project နဲ့ အခန်းတန်ဖိုးပေါ် မူတည်ပြီး ကွာခြားနိုင်ပါတယ်။ ပုံမှန်အားဖြင့် ဘတ် ၅၀,၀၀၀ မှ ၆၀,၀၀၀ ဝန်းကျင် ကုန်ကျနိုင်ပြီး ကြိုတင်ပေးစရာ မလိုဘဲ ကွန်ဒိုတန်ဖိုး အကြေပေးချေပြီးချိန်၊ အမည်ပြောင်းတဲ့ အဆင့်ရောက်မှသာ ပေးချေရတာ ဖြစ်ပါတယ်။ အတိအကျ ကုန်ကျစရိတ်ကို စာချုပ်မချုပ်ခင်ကတည်းက ကြိုတင် တွက်ချက်မေးမြန်းနိုင်ပါတယ်ခင်ဗျာ။

မေးခွန်း ၆အခန်းတန်ဖိုးအပြင် အခြား မည်သည့်ကုန်ကျစရိတ်များ ထပ်မံပေးဆောင်ရပါသလဲ? Swimming Pool, Gym အသုံးပြုခတွေက သီးသန့် ထပ်ပေးရနိုင်လား?

အခန်းဈေးအပြင် ကြိုတင်သိထားသင့်တဲ့ အပိုကုန်ကျစရိတ်တွေက Project အလိုက် နှုန်းထား အနည်းငယ် ကွာနိုင်ပေမဲ့ ယေဘုယျအားဖြင့် ဒီခေါင်းစဉ်လေးတွေပဲ ရှိပါတယ်ခင်ဗျာ။

  • Transfer Fee (အမည်ပြောင်း အခွန်) — အမည်ပြောင်းချိန်မှာ တစ်ကြိမ်တည်း ပေးရတဲ့ အခွန်ပါ။ ယေဘုယျအားဖြင့် အခန်းတန်ဖိုးရဲ့ ၂% ဝန်းကျင် ရှိတတ်ပြီး၊ ဝယ်သူနဲ့ ရောင်းသူ တစ်ဝက်စီ ခွဲပေးမလား၊ ဒါမှမဟုတ် Promotion အနေနဲ့ Developer ဘက်က ကျခံပေးမလားဆိုတာ Project အလိုက် ကွာခြားပါတယ်။
  • Sinking Fund (အရေးပေါ် ရန်ပုံငွေ) — အဆောက်အအုံကြီး ရေရှည် ပြုပြင်ထိန်းသိမ်းမှုတွေအတွက် တစ်ကြိမ်တည်း ကောက်ခံတဲ့ ရန်ပုံငွေ ဖြစ်ပါတယ်။ များသောအားဖြင့် ၁ sqm ပေါ် နှုန်းထားနဲ့ တွက်ချက်ပြီး အမည်ပြောင်းချိန်မှာ ပေးသွင်းရပါတယ်။
  • Maintenance Fee / Common Fee (ဘုံထိန်းသိမ်းခ) — အခန်းပိုင်ရှင် ဖြစ်ပြီးနောက်ပိုင်း ပုံမှန် ဆက်ပေးနေရမယ့် တစ်ခုတည်းသော ကုန်ကျစရိတ်ပါ။ ၁ sqm ကို တစ်လ ဘယ်လောက်ဆိုတဲ့ နှုန်းထားနဲ့ တွက်ပြီး Project အလိုက် ၆ လတစ်ကြိမ် ဒါမှမဟုတ် ၁ နှစ်တစ်ကြိမ် ကြိုတင် ကောက်ခံလေ့ ရှိပါတယ်။
  • အခြား ကုန်ကျစရိတ် — ရေမီတာ၊ မီးမီတာ တပ်ဆင်ခ Deposit နဲ့ တကယ်လို့ ပရိဘောဂ မပါတဲ့ အခန်းဆိုရင် ပရိဘောဂနဲ့ အခန်းပြင်ဆင်စရိတ်တွေ ရှိနိုင်ပါတယ်။

Swimming Pool နဲ့ Gym အသုံးပြုခ — ရေကူးကန်၊ Gym / Fitness၊ လုံခြုံရေးနဲ့ ကားပါကင် စတဲ့ ဘုံ Facility တွေရဲ့ အသုံးပြုခဟာ အပေါ်မှာ ပြောခဲ့တဲ့ Maintenance Fee (ဘုံထိန်းသိမ်းခ) ထဲမှာ အကုန်ပါပြီးသား ဖြစ်ပါတယ်။ ဒါကြောင့် ရေကူးတိုင်း၊ Gym ဆော့တိုင်း သီးသန့် ထပ်ပေးစရာ လုံးဝ မလိုပါဘူးခင်ဗျာ။ (တချို့ Project တွေမှာ သီးသန့် အစည်းအဝေးခန်း ကြိုတင်မှာယူတာမျိုးလို ခြွင်းချက်လေးတွေတော့ ရှိနိုင်တာမို့ စိတ်ဝင်စားတဲ့ Project ရဲ့ စည်းကမ်းကို သေချာ အတည်ပြုပေးပါ့မယ်။)

(မှတ်ချက် - တချို့ Project တွေမှာ အထူး Promotion အနေနဲ့ Transfer Fee၊ Sinking Fund နဲ့ ပထမနှစ် Maintenance Fee တွေကို အခမဲ့ လက်ဆောင်ပေးထားတာမျိုးလည်း ရှိပါတယ်။ ဒါတွေက Project အလိုက်၊ အချိန်ကာလ အလိုက် ပြောင်းလဲနိုင်လို့ သက်ဆိုင်ရာ Project စာမျက်နှာနဲ့ Chat Box မှာ အတိအကျ မေးမြန်းနိုင်ပါတယ်ခင်ဗျာ။)

မေးခွန်း ၇Payment Plan (ငွေပေးချေမှု အစီအစဉ်) အထွေထွေ ဘယ်လိုပုံစံတွေ ရှိပါသလဲ?

Payment Plan က Project အလိုက်၊ အခန်းအလိုက် မတူပါဘူးခင်ဗျာ။ ဒါပေမဲ့ ယေဘုယျ ပုံစံလေးတွေကို သိထားရင် နှိုင်းယှဉ်ရတာ ပိုလွယ်ကူပါတယ်။

  • Booking Fee — ကိုယ်ကြိုက်တဲ့ အခန်းကို ထိန်းထားဖို့ ပထမဆုံး သွင်းရတဲ့ ကြိုတင်ငွေ ပမာဏ အနည်းငယ်ပါ။
  • Down Payment (စရန်ငွေ / ပထမအရစ်) — စာချုပ်ချုပ်ပြီးနောက် သတ်မှတ်ထားတဲ့ ရာခိုင်နှုန်းကို တစ်လုံးတည်းဖြစ်ဖြစ်၊ လအနည်းငယ် ခွဲပြီးဖြစ်ဖြစ် ပေးသွင်းရပါတယ်။
  • အရစ်ကျ (Installment) — ဆောက်လုပ်ဆဲ Project (Off-plan) ဆိုရင် ဆောက်လုပ်နေတဲ့ ကာလအတွင်း လစဉ် အရစ်ကျ သွင်းရပြီး၊ အသင့်နေနိုင်တဲ့ Project (Ready to Move In) ဆိုရင် Developer ဘက်က ကိုယ်ပိုင် အရစ်ကျ အစီအစဉ်လေးတွေ ပေးထားတာမျိုး ရှိပါတယ်။ တချို့ Project တွေမှာ အတိုး ၀% အစီအစဉ်တွေတောင် ပါတတ်ပါတယ်။
  • Balance at Transfer (ကျန်ငွေ) — အမည်ပြောင်း လွှဲပြောင်းချိန်ကျမှ ကျန်နေတဲ့ ငွေပမာဏကို အကြေ ပေးချေရတာပါ။

ကိုယ်တိုင်နေဖို့ ဝယ်တာပဲဖြစ်ဖြစ်၊ အငှားချဖို့ ဝယ်တာပဲဖြစ်ဖြစ် Payment Plan ကတော့ အတူတူပါပဲခင်ဗျာ။ ရည်ရွယ်ချက်ကြောင့် ငွေပေးချေမှု ပုံစံ ပြောင်းသွားတာမျိုး မရှိပါဘူး။ ကွာခြားသွားတာက ကိုယ့်ရည်ရွယ်ချက်နဲ့ အကိုက်ညီဆုံး ဖြစ်မယ့် အခန်း (အထပ်၊ မျက်နှာမူရာ အရပ်၊ အခန်းအကျယ်) ကို ရွေးချယ်ပေးတာပဲ ဖြစ်ပါတယ်။

(မှတ်ချက် - နိုင်ငံခြားသားတွေအတွက် ထိုင်းဘဏ်ကနေ Home Loan ချေးငွေ ယူဖို့က ကန့်သတ်ချက် အရမ်းများပါတယ်။ ဒါကြောင့် ဝယ်သူအများစုက ကိုယ်ပိုင်ငွေနဲ့ Developer ရဲ့ အရစ်ကျ အစီအစဉ်ကို တွဲသုံးပြီး ဝယ်ယူကြတာ များပါတယ်ခင်ဗျာ။)

မေးခွန်း ၁၈Room Inspection ကို Developer အဖွဲ့နဲ့ စစ်ရမလား၊ 3rd Party နဲ့ စစ်ရမလား?

နှစ်မျိုးလုံး စိတ်ကြိုက် ရွေးချယ်လို့ ရပါတယ်ခင်ဗျာ။

  • Developer အဖွဲ့နဲ့ စစ်ဆေးခြင်း — ရေပိုက်လိုင်းနဲ့ လျှပ်စစ်မီးလိုင်း အလုပ်လုပ်ပုံတွေကို အဓိကထား စစ်ဆေးပေးပါတယ်။
  • 3rd Party Inspector (ပြင်ပ ပညာရှင်အဖွဲ့) နဲ့ စစ်ဆေးခြင်း — အခန်းရဲ့ စတုရန်းမီတာ (sqm) တစ်ခုချင်းစီကစပြီး နံရံ၊ ကြမ်းခင်း၊ တံခါး၊ ရေ၊ မီး အသေးစိတ် အကုန်လုံးကို ကိရိယာတွေနဲ့ စစ်ဆေးပေးပါတယ်။ ပြီးရင် ချို့ယွင်းချက် မှတ်တမ်း (Defect Report) ကို စာနဲ့သေချာ ရေးသားပြီး အခန်းပိုင်ရှင်ဆီ Email နဲ့ ပို့ပေးပါတယ်။

3rd Party အဖွဲ့တွေက စစ်ဆေးပြီး ပြန်ပြင်ပြီးတဲ့အခါ နောက်တစ်ကြိမ် ထပ်စစ်ပေးတာမို့ စုစုပေါင်း ၂ ကြိမ် စစ်ဆေးပေးပါတယ်။ ဝန်ဆောင်ခကတော့ အခန်းအကျယ်အလိုက် တွက်ယူတာဖြစ်ပြီး ၂ ကြိမ်စာ အပြီးအစီးကို အနည်းဆုံး ၂,၈၀၀ ဘတ် လောက်ကနေ စပါတယ်ခင်ဗျာ။

နေထိုင်မှု နှင့် အငှား

မေးခွန်း ၈ဝယ်ပြီးရင် ပြန်လည်ငှားရမ်းထားလို့ ရပါသလား? ငှားခ ဘယ်လောက်ရနိုင်ပါသလဲ?

ဟုတ်ကဲ့၊ အေးအေးဆေးဆေး ပြန်ငှားထားလို့ ရပါတယ်ခင်ဗျာ။ ကိုယ်တိုင် မနေဖြစ်သေးတဲ့ ကာလမှာ အငှားချထားပြီး လစဉ် ပုံမှန် ဝင်ငွေ တစ်ခု ရယူနိုင်ပါတယ်။ ကိုယ်တိုင်နေဖို့ ဝယ်တာနဲ့ ရင်းနှီးမြှုပ်နှံဖို့ ဝယ်တာကြားမှာ ဝယ်ယူခွင့် ကွာခြားချက် လုံးဝ မရှိပါဘူး။

ငှားခ ပမာဏကတော့ Project တစ်ခုနဲ့တစ်ခု၊ အခန်းတစ်ခန်းနဲ့တစ်ခန်း အများကြီး ကွာခြားနိုင်ပါတယ်။ အဓိက မူတည်တာတွေကတော့ —

  • BTS / MRT ရထားဘူတာနဲ့ အကွာအဝေး၊ သွားလာရေး လွယ်ကူမှု
  • အခန်းအကျယ်၊ အထပ်၊ မျက်နှာမူရာ အရပ် နဲ့ မြင်ကွင်း (View)
  • အခန်းတွင်း ပရိဘောဂနဲ့ အလှဆင်ထားမှု (Decoration) အဆင့်အတန်း
  • အနီးအနားက ကျောင်း၊ ဆေးရုံ၊ Shopping Mall နဲ့ အလုပ်အကိုင် အရင်းအမြစ်တွေ ဖြစ်ပါတယ်။

ဒါကြောင့် ဒီအထွေထွေ စာမျက်နှာမှာ ငှားခ ဂဏန်းတစ်ခုကို အသေသတ်မှတ်ပြီး မဖော်ပြထားပါဘူးခင်ဗျာ။ ဂဏန်းမှန်မှန်ကန်ကန် သိရဖို့ဆိုရင် လူကြီးမင်း ကြည့်နေတဲ့ Project အလိုက်၊ အခန်းအလိုက် လက်ရှိ ဈေးကွက်ပေါက်ဈေးနဲ့ သီးသန့် တွက်ချက်ပြပေးတာ ပိုတိကျပါတယ်။

(မှတ်ချက် - ငှားခဆိုတာ ဈေးကွက်အခြေအနေပေါ် မူတည်ပြီး အတက်အကျ ရှိတတ်တာမို့ ဘယ် Agent ကမှ ငှားခကို ပုံသေ အာမခံလို့ မရပါဘူး။ ဒါပေမဲ့ အငှားဝင်ငွေလေး ရှိနေတဲ့အခါ အရစ်ကျ ပေးသွင်းနေရတဲ့ ကာလမှာ ကိုယ့်အိတ်ထဲက စိုက်ထုတ်ရတဲ့ ဝန်ကို အများကြီး သက်သာစေပါတယ်ခင်ဗျာ။)

မေးခွန်း ၉အိမ်ငှား ရှာဖွေပေးခြင်းနှင့် စီမံခန့်ခွဲမှု ဝန်ဆောင်မှု ရှိပါသလား?

ရှိပါတယ်ခင်ဗျာ။ ကျွန်တော်တို့ Realtor YAYA ဆီကနေ ဝယ်ယူအားပေးတဲ့ လူကြီးမင်းတို့ အဆင်ပြေစေဖို့ အငှားဝန်ဆောင်မှုကို ပုံစံ ၂ မျိုး စီစဉ်ပေးထားပါတယ်။

ပုံစံ ၁ (အခမဲ့) အိမ်ငှားရှာပေးခြင်း + စာချုပ် ချုပ်ဆိုပေးခြင်း

အိမ်ငှား ရှာဖွေပေးတာနဲ့ အငှားစာချုပ် ချုပ်ဆိုပေးတာကို ဝန်ဆောင်ခ လုံးဝ မယူဘဲ အခမဲ့ ကူညီဆောင်ရွက်ပေးပါတယ်။ (လစဉ် စီမံခန့်ခွဲမှုတော့ မပါဝင်ပါဘူးခင်ဗျာ။)

ပုံစံ ၂ (၁ လစာ ဝန်ဆောင်ခ) အိမ်ငှားရှာပေးခြင်း + ၁ နှစ်တာ စီမံခန့်ခွဲမှု

အိမ်ငှားခ တစ်လစာ ဝန်ဆောင်ခနဲ့ အိမ်ငှားရှာပေးတဲ့အပြင်၊ ၁ နှစ်ပတ်လုံး လစဉ် ငှားခ ကောက်ခံပေးတာ၊ အခန်းတွင်း ပြုပြင်ထိန်းသိမ်းမှု ကိစ္စတွေကို ကြားခံ ညှိနှိုင်း စီမံပေးတာတွေ အကုန် တာဝန်ယူပေးပါတယ်။ ထိုင်းနိုင်ငံရဲ့ ဈေးကွက်ထုံးစံအရလည်း အိမ်ငှားရှာပေးခ (Tenant-placement Fee) က ငှားခ တစ်လစာပဲ ဖြစ်ပါတယ်ခင်ဗျာ။

(မှတ်ချက် - အိမ်ငှား မြန်မြန်ရဖို့က ဈေးကွက်ပေါက်ဈေးအတိုင်း သင့်တင့်တဲ့ ငှားခ ထားတာနဲ့ အခန်းတွင်း ပြင်ဆင်မှု သပ်ရပ်လှပမှုပေါ် များစွာ မူတည်ပါတယ်။ အိမ်ငှား ရမယ်လို့ အသေအချာ ကတိမပေးနိုင်ပေမဲ့ အမြန်ဆုံး အငှားထွက်အောင် အစွမ်းကုန် ကြိုးစားပေးပြီး အခန်း Decoration အပိုင်းကိုလည်း သေချာ အကြံပြု စီစဉ်ပေးပါတယ်ခင်ဗျာ။)

မေးခွန်း ၁၀အိမ်မွေးတိရစ္ဆာန် (Pet) မွေးလို့ရပါသလား?

ဒီမေးခွန်းကတော့ Project တစ်ခုနဲ့တစ်ခု လုံးဝ ကွာခြားပါတယ်ခင်ဗျာ။ General အဖြေ တစ်ခုတည်းနဲ့ ဆုံးဖြတ်လို့ မရပါဘူး။

  • ဘန်ကောက်က ကွန်ဒို အများစုက Pet မွေးခွင့် မရှိပါဘူး။ ခွေးရော ကြောင်ပါ မွေးခွင့်မပြုတဲ့ Project တွေ များပါတယ်။
  • Pet-Friendly လို့ ခွင့်ပြုထားတဲ့ Project တွေမှာတောင် အဆောက်အအုံ (Building) အလိုက် ခွဲခြားခွင့်ပြုတာမျိုး၊ အကောင်ရေနဲ့ ကိုယ်အလေးချိန်/အရွယ်အစား ကန့်သတ်တာမျိုး၊ မှတ်ပုံတင်ကြေးနဲ့ စည်းကမ်းချက်တွေ ရှိနိုင်ပါတယ်။
  • ဆောက်လုပ်ဆဲ (Off-plan) Project ဆိုရင်လည်း ပြီးစီးမယ့် အချိန်နဲ့ လက်ရှိ ကြည့်နိုင်တာ Showroom ပဲလားဆိုတာကိုပါ တွဲကြည့်ဖို့ လိုပါတယ်။

အကြံပြုချက် — ကိုယ့်ရဲ့ အချစ်တော်လေးတွေနဲ့ အတူနေမယ်ဆိုရင် ဝယ်ခါနီးတိုင်းမှာ အဲဒီ Project ရဲ့ Pet မူဝါဒကို အခန်းတစ်ခန်းချင်းအလိုက် သေချာ အတည်ပြုဖို့ အရေးကြီးဆုံးပါ။ ဥပမာ ARLO Sukhumvit 105 မှာဆိုရင် အဆောက်အအုံ ၄ ဆောင်လုံး Pet မွေးခွင့် ရှိပါတယ်။ ဒါပေမဲ့ Pet အမျိုးအစား၊ အကောင်ရေနဲ့ အရွယ်အစား ကန့်သတ်ချက်၊ မှတ်ပုံတင် စည်းကမ်းတွေကိုတော့ မဝယ်ခင်ကတည်းက အတိအကျ အတည်ပြုပေးပါမယ်။ Pet-Friendly ရွေးချယ်စရာတွေ ဖြစ်တဲ့ ARLO Sukhumvit 105 နဲ့ Aspire Sukhumvit 103 တို့အတွက် သီးသန့် စာမျက်နှာလေးတွေမှာလည်း အသေးစိတ် ဝင်ဖတ်နိုင်ပါတယ်ခင်ဗျာ။

မေးခွန်း ၁၁Room Inspection ဆိုတာ ဘာလဲ? အခန်း လွှဲပြောင်းအပ်နှံချိန်မှာ ဘယ်လို ဆောင်ရွက်ပေးပါသလဲ?

Room Inspection ဆိုတာ ကွန်ဒိုအသစ်တစ်ခန်းကို အခန်းပိုင်ရှင်ဆီ အပြီးသတ် မလွှဲအပ်ခင်မှာ အခန်းထဲမှာ ချို့ယွင်းချက်တွေ ရှိမရှိ ကြိုတင်စစ်ဆေးပြီး ပြန်ပြင်ခိုင်းရတဲ့ အခန်းစစ်ဆေးခြင်း အဆင့် ကို ပြောတာပါခင်ဗျာ။ အခန်းကို စကြည့်ခဲ့တုန်းက အတိုင်း တန်းပြီး လက်ခံယူရတာ မဟုတ်ပါဘူး။ လုပ်ဆောင်ပေးပုံကတော့ —

ပညာရှင်အဖွဲ့ဖြင့် အသေးစိတ် စစ်ဆေးခြင်း — ပထမဆုံး Developer နဲ့ သီးခြားဖြစ်တဲ့ ပြင်ပ ပညာရှင် စစ်ဆေးရေးအဖွဲ့ (Third Party Inspector) က အထူးစစ်ဆေးရေး ကိရိယာအပြည့်အစုံနဲ့ အခန်းတွင်း နံရံ၊ ကြမ်းခင်း၊ တံခါး၊ ပြတင်းပေါက်တွေကအစ ရေပိုက်လိုင်းနဲ့ လျှပ်စစ်မီးလိုင်းတွေအထိ မမြင်နိုင်တဲ့ ချို့ယွင်းချက်လေးတွေပါ မကျန်အောင် စစ်ဆေးပေးပါတယ်။

Developer မှ ပြန်လည်ပြင်ဆင်ပေးခြင်း — စစ်ဆေးတွေ့ရှိသမျှ ချို့ယွင်းချက်တွေကို ဓာတ်ပုံမှတ်တမ်းနဲ့တကွ အစီရင်ခံစာ (Defect Report) ထုတ်ပြီး Developer ဘက်ကို တင်ပြပါတယ်။ Developer ဘက်က အဲဒီအချက်တွေ အားလုံးကို အပြီးအစီး ပြန်လည်ပြင်ဆင်ပေးပြီးမှသာ အခန်းကို လက်ခံအပ်နှံတာ ဖြစ်ပါတယ်။ ဒါကြောင့် လူကြီးမင်း လက်ခံရရှိမယ့် အခန်းဟာ မူလ ကြည့်ခဲ့တုန်းကထက်တောင် ပိုသပ်ရပ်ပြီး အပြစ်အနာအဆာ ကင်းစင်တဲ့ အခန်း ဖြစ်နေရပါမယ်ခင်ဗျာ။ အခန်းစစ်ဆေးတာ မလုပ်ဘဲ အလျင်စလို လက်ခံမိလိုက်ရင် နောက်ပိုင်းမှ ပြန်ပြင်ခိုင်းရတာ ပိုခက်တတ်လို့ ကျွန်တော်တို့ Realtor YAYA က ဒီအဆင့်ကို အထူး ဂရုစိုက် ဆောင်ရွက်ပေးပါတယ်။ (စစ်ဆေးရေးအဖွဲ့ ရွေးချယ်ပုံနဲ့ ကုန်ကျစရိတ် အသေးစိတ်ကိုတော့ မေးခွန်း ၁၈ မှာ ဆက်ဖတ်နိုင်ပါတယ်ခင်ဗျာ။)

မေးခွန်း ၁၇အခန်းဝယ်ပြီးနောက် အဖွဲ့က ဘာတွေ ဆက်ကူညီပေးလဲ?

အခန်းရောင်းလိုက်တာနဲ့ ပြီးသွားတာမျိုး မဟုတ်ဘဲ၊ လူကြီးမင်း အိမ်သစ်မှာ စိတ်ချမ်းချမ်းသာသာနဲ့ ဝင်ရောက်နေထိုင် အသားကျသွားတဲ့အထိ နောက်ဆက်တွဲ တာဝန်ယူ ကူညီပေးပါတယ်ခင်ဗျာ။ အိမ်အတွက် လိုအပ်တဲ့ ပရိဘောဂတွေ၊ လျှပ်စစ်ပစ္စည်းတွေ (ဥပမာ HomePro, IKEA စသဖြင့်) ကိုယ်တိုင် မလာနိုင်ရင်တောင် အွန်လိုင်းကနေ တိုင်ပင်ရွေးချယ်ပြီး လိုက်လံဝယ်ယူ တပ်ဆင်ပေးတာကအစ အခန်းတွင်းပိုင်း အလှဆင် ပြင်ဆင်မှုတွေအထိ အစအဆုံး ဘေးကနေ ကူညီဆောင်ရွက်ပေးပါတယ်။

အခန်း ရွေးချယ်မှု

မေးခွန်း ၁၂ကိုယ်နဲ့ သင့်တော်တဲ့ အခန်းကို ဘယ်လို ရွေးချယ်ရမလဲ?

ဈေးအနည်းဆုံး အခန်းကို ရွေးတာထက် ကိုယ့်ရည်ရွယ်ချက်နဲ့ အကိုက်ညီဆုံး အခန်း ကို ရွေးချယ်နိုင်ဖို့က အရေးကြီးဆုံးပါခင်ဗျာ။ အခန်းမရွေးခင် ဒီအချက် ၆ ချက်ကို အရင် စဉ်းစားကြည့်စေချင်ပါတယ်။

  1. ရည်ရွယ်ချက် — ကိုယ်တိုင်နေဖို့လား၊ အငှားချဖို့လား၊ ဒါမှမဟုတ် နှစ်မျိုးလုံးလား။ ကိုယ်တိုင်နေမယ်ဆိုရင် နေ့စဉ် သွားလာနေထိုင်မှု အဆင်ပြေဖို့က ပထမ၊ အငှားချမယ်ဆိုရင် အိမ်ငှား ဝယ်လိုအားကောင်းတဲ့ နေရာနဲ့ အခန်းပုံစံက ပထမ ဖြစ်ပါတယ်။
  2. Budget အပြည့်အစုံ — အခန်းဈေးတစ်ခုတည်း မဟုတ်ဘဲ အမည်ပြောင်းချိန် ပေးရမယ့် အပိုကုန်ကျစရိတ် (မေးခွန်း ၆) နဲ့ ပရိဘောဂ/အခန်းပြင်ဆင်စရိတ်တွေကိုပါ တစ်ခါတည်း ထည့်တွက်ထားပါ။
  3. တည်နေရာနဲ့ သယ်ယူပို့ဆောင်ရေး — BTS / MRT ရထားဘူတာနဲ့ အကွာအဝေးကို မီတာအတိအကျ ကြည့်ပါ။ Shuttle Bus ရှိမရှိ၊ လမ်းမကြီးပေါ်လား လမ်းသွယ်ထဲမှာလား ဆိုတာကိုလည်း ထည့်စဉ်းစားပါ။
  4. အနီးအနား လိုအပ်ချက်တွေ — ကလေးရှိရင် ကျောင်း၊ မိသားစုအတွက်ဆို ဆေးရုံ၊ နေ့စဉ် စားသောက်ရေးအတွက်ဆို ဈေး၊ 7-Eleven၊ Shopping Mall စသဖြင့် ကိုယ့်နေထိုင်မှုပုံစံနဲ့ ကိုက်ညီတာကို ဦးစားပေးပါ။
  5. အခန်း အသေးစိတ် — အထပ်၊ မျက်နှာမူရာ အရပ် (ဥပမာ မနက်နေရောင်ရပြီး ညနေပိုင်း အေးတဲ့ အရှေ့ဘက်လှည့်ကို ကြိုက်တဲ့သူ များပါတယ်)၊ မြင်ကွင်း ပွင့်မပွင့်၊ အထပ်နိမ့် Low-rise (၈ ထပ်ဝန်းကျင်) လား High-rise လား ဆိုတာပါ။ အထပ်မြင့် ကြောက်တတ်သူတွေအတွက် Low-rise က ပိုစိတ်အေးရပါတယ်။
  6. စီမံခန့်ခွဲမှု (Juristic) — အဆောက်အအုံကို ထိန်းသိမ်းစီမံတဲ့ Juristic အဖွဲ့ ကောင်းမကောင်း၊ နေထိုင်သူအချင်းချင်း စည်းစနစ်ရှိမရှိက ရေရှည် နေထိုင်မှု အရည်အသွေးကို အများကြီး သက်ရောက်စေပါတယ်။

ကျွန်တော်တို့ Realtor YAYA ရဲ့ မူဝါဒက ရှင်းပါတယ် — “သေချာတိုင်ပင်ပြီးမှ၊ သင့်တော်တဲ့ အခန်းပဲ ရောင်းမယ်”။ မကိုက်ညီရင် အတင်းအကျပ် မရောင်းပါဘူး။ လူကြီးမင်းရဲ့ Budget၊ လိုချင်တဲ့ တည်နေရာနဲ့ အခန်းအကျယ်လေးကို ပြောပြပေးရင် အကိုက်ညီဆုံး ရွေးချယ်စရာတွေကို နှိုင်းယှဉ်ပြပေးပါမယ်ခင်ဗျာ။

မေးခွန်း ၁၃အခန်းအကျယ် (sqm / sqft) နဲ့ အမျိုးအစားကို ဘယ်လို နားလည်ရမလဲ?

ထိုင်းနိုင်ငံမှာ အခန်းအကျယ်ကို sqm (စတုရန်းမီတာ) နဲ့ ဖော်ပြလေ့ရှိပြီး၊ မြန်မာဝယ်သူတွေကတော့ sqft (စတုရန်းပေ) နဲ့ ပိုရင်းနှီးကြပါတယ်။ အလွယ်ကူဆုံး ပြောင်းတွက်နည်းကတော့ —

1 sqm ≈ 10.764 sqft ဖြစ်ပါတယ်။ ဥပမာ 28 sqm ဆိုရင် 301 sqft ဝန်းကျင်၊ 30 sqm ဆိုရင် 323 sqft ဝန်းကျင်၊ 35 sqm ဆိုရင် 377 sqft ဝန်းကျင် ရှိပါတယ်။ နှိုင်းယှဉ်တဲ့အခါ နှစ်မျိုးလုံး ယှဉ်ကြည့်ရင် မျက်စိထဲ ပိုမြင်လွယ်ပါတယ်။

  • 1 Bedroom — ဧည့်ခန်းနဲ့ အိပ်ခန်း သီးသန့် ခွဲထားတဲ့ ပုံစံပါ။ ကိုယ်တိုင်နေဖို့ရော ပြန်ငှားစားဖို့ပါ လူကြိုက် အများဆုံး အမျိုးအစား ဖြစ်ပါတယ်။
  • 1 Bedroom Plus — ပုံမှန် 1 Bedroom အပြင် အခန်းငယ်လေး တစ်ခန်း အပိုပါတဲ့ ပုံစံပါ။ စာကြည့်ခန်း၊ အလုပ်ခန်း ဒါမှမဟုတ် ကလေးအိပ်ခန်း အနေနဲ့ အသုံးပြုနိုင်လို့ အရမ်း အဆင်ပြေပါတယ်။
  • ပရိဘောဂ (Furniture) — Project အလိုက် ပရိဘောဂ လုံးဝ မပါတာမျိုး၊ တစ်စိတ်တစ်ပိုင်း ပါတာမျိုးနဲ့ အပြည့်အစုံ (Fully Furnished) ပါတာမျိုး ကွာခြားပါတယ်။ ဈေးနှိုင်းယှဉ်တဲ့အခါ ပရိဘောဂ ပါမပါကို အမြဲ ထည့်တွက်ဖို့ လိုပါတယ် — တစ်ခါတလေ ဈေးသက်သာတယ်ထင်ရတဲ့ အခန်းက ပရိဘောဂ လုံးဝ မပါလို့ နောက်ဆုံး ကိုယ့်ဘာသာ ဝယ်ထည့်ရတဲ့အခါ စုစုပေါင်း ကုန်ကျစရိတ် ပိုများသွားတာမျိုး ဖြစ်တတ်လို့ပါခင်ဗျာ။
မေးခွန်း ၁၄Project တစ်ခုချင်းစီရဲ့ အသေးစိတ်ကို ဘယ်မှာ ဖတ်ရမလဲ?

ဒီစာမျက်နှာကတော့ ဘန်ကောက်ကွန်ဒို ဝယ်ယူမှုဆိုင်ရာ အထွေထွေ ဗဟုသုတ တွေကို စုစည်းပေးထားတာပါခင်ဗျာ။ ဈေးနှုန်း၊ Payment Plan အတိအကျ၊ အခန်းအကျယ်နဲ့ တည်နေရာ အသေးစိတ်တွေက Project တစ်ခုနဲ့တစ်ခု မတူတာမို့ Project တစ်ခုချင်းစီ သီးသန့် စာမျက်နှာ တွေမှာ ခွဲဖတ်တာ အတိကျဆုံး ဖြစ်ပါတယ်။

ဖတ်နိုင်ပြီ Reach Sukhumvit 107၊ ARLO Sukhumvit 105၊ Aspire Sukhumvit 103 နဲ့ Supalai Parc Ekkamai-Pattanakarn

ဒီ Project ၄ ခုအတွက် သီးသန့် Q&A စာမျက်နှာတွေ အပြည့်အစုံ ရှိပြီးသားမို့ ဝင်ရောက်ဖတ်ရှုနိုင်ပါပြီ — Reach Sukhumvit 107၊ ARLO Sukhumvit 105၊ Aspire Sukhumvit 103၊ Supalai Parc Ekkamai-Pattanakarn

မကြာမီ Good Day Sukhumvit 93၊ Sena Kith Samrong၊ Supalai City Resort Sukhumvit 107 နဲ့ RYE Huamak

ဒီ Project တွေအတွက် သီးသန့် စာမျက်နှာတွေ ထပ်လုပ်ပေးသွားပါမယ်။

(စိတ်ဝင်စားတဲ့ Project အမည်လေးကို Chat Box မှာ ပြောပြပေးရင် သက်ဆိုင်ရာ အခန်းပုံ၊ ဗီဒီယိုနဲ့ နောက်ဆုံးရ ဈေးနှုန်းအခြေအနေတွေကို သီးသန့် ပို့ပေးပါ့မယ်ခင်ဗျာ။)

Project သီးသန့် စာမျက်နှာများ

အထွေထွေ အချက်တွေကို သိပြီးရင်၊ စိတ်ဝင်စားတဲ့ Project ရဲ့ အသေးစိတ်ကို သီးသန့် စာမျက်နှာမှာ ဆက်ဖတ်နိုင်ပါတယ်ခင်ဗျာ။

ဖတ်နိုင်ပြီ

Reach Sukhumvit 107

BTS Bearing အနီး၊ Sukhumvit 107 — ဈေးနှုန်း၊ Payment Plan၊ အခန်းအကျယ်၊ Facility နဲ့ Pet မူဝါဒ အပါအဝင် မေးခွန်း ၁၅ ခု အပြည့်အစုံ။

Q&A ဖွင့်ဖတ်ရန်
ဖတ်နိုင်ပြီ

ARLO Sukhumvit 105

Pet-Friendly ရွေးချယ်စရာ — Pet မူဝါဒ၊ အခန်းအမျိုးအစားနဲ့ အသေးစိတ်ကို သီးသန့် Q&A စာမျက်နှာမှာ အပြည့်အစုံ ဖတ်နိုင်ပါတယ်။

Q&A ဖွင့်ဖတ်ရန်
ဖတ်နိုင်ပြီ

Aspire Sukhumvit 103

Pet-Friendly ရွေးချယ်စရာ — Pet မူဝါဒ၊ အခန်းအမျိုးအစားနဲ့ အသေးစိတ်ကို သီးသန့် Q&A စာမျက်နှာမှာ အပြည့်အစုံ ဖတ်နိုင်ပါတယ်။

Q&A ဖွင့်ဖတ်ရန်
ဖတ်နိုင်ပြီ

Supalai Parc Ekkamai-Pattanakarn

High-rise · Tower A အထပ် ၃၀ / Tower B အထပ် ၂၇ · အခန်းပေါင်း ၁,၁၆၀ · Freehold · Ready to Move In — Studio မှ ~၂,၅၈၂,၀၀၀ ဘတ်။

Q&A ဖွင့်ဖတ်ရန်
သီးသန့် စာမျက်နှာ မကြာမီ

Good Day Sukhumvit 93

Soi Sukhumvit 93, Bang Chak — သီးသန့် စာမျက်နှာကို နောက်ထပ် လုပ်ပေးသွားပါမယ်။ လောလောဆယ် အသေးစိတ်ကို Chat Box မှာ မေးမြန်းနိုင်ပါတယ်။

Chat Box မှာ မေးရန်
သီးသန့် စာမျက်နှာ မကြာမီ

Sena Kith Samrong

BTS / MRT Samrong Interchange အနီး — သီးသန့် စာမျက်နှာကို နောက်ထပ် လုပ်ပေးသွားပါမယ်။ လောလောဆယ် အသေးစိတ်ကို Chat Box မှာ မေးမြန်းနိုင်ပါတယ်။

Chat Box မှာ မေးရန်
သီးသန့် စာမျက်နှာ မကြာမီ

Supalai City Resort Sukhumvit 107

Sukhumvit 107 — သီးသန့် စာမျက်နှာကို နောက်ထပ် လုပ်ပေးသွားပါမယ်။ လောလောဆယ် အသေးစိတ်ကို Chat Box မှာ မေးမြန်းနိုင်ပါတယ်။

Chat Box မှာ မေးရန်
သီးသန့် စာမျက်နှာ မကြာမီ

RYE Huamak

Huamak — သီးသန့် စာမျက်နှာကို နောက်ထပ် လုပ်ပေးသွားပါမယ်။ လောလောဆယ် အသေးစိတ်ကို Chat Box မှာ မေးမြန်းနိုင်ပါတယ်။

Chat Box မှာ မေးရန်

“သေချာတိုင်ပင်ဆွေးနွေးပြီးမှ အသင့်တော်ဆုံး အခန်းကိုပဲ ရွေးချယ်ပေးပါမယ်” — ဒီစာမျက်နှာမှာ မပါဝင်သေးတဲ့ သိလိုရာ မေးခွန်းလေးတွေ ရှိရင်ပဲဖြစ်ဖြစ်၊ ကိုယ်တိုင်နေထိုင်ဖို့အတွက်ရော ရင်းနှီးမြှုပ်နှံပြီး ပြန်လည်ငှားရမ်းဖို့အတွက်ပါ ဘယ်အခန်းအမျိုးအစားနဲ့ အကိုက်ညီဆုံးဖြစ်မလဲဆိုတာ သိချင်ရင်ပဲဖြစ်ဖြစ် Realtor YAYA Page Chat Box မှာ အချိန်မရွေး လာရောက်တိုင်ပင် ဆွေးနွေးနိုင်ပါတယ်ခင်ဗျာ။ အခန်းရွေးချယ်တဲ့ အဆင့်ကနေ စာရွက်စာတမ်း ကိစ္စရပ်တွေ ပြီးစီးတဲ့အထိ ဘေးကနေ အစအဆုံး အတူတကွ လိုက်ပါဆောင်ရွက်ပေးနေပါတယ်။ အခန်းကို ကိုယ်တိုင်ကိုယ်ကျ လာရောက်ကြည့်ရှုလိုပါကလည်း Chat Box ကနေတစ်ဆင့် ကြိုတင်အကြောင်းကြားပေးနိုင်ပြီး အဆင်ပြေဆုံးဖြစ်အောင် စီစဉ်ပေးပါမယ်ခင်ဗျာ။

Chat Box တွင် ဆွေးနွေးရန်
Chat Box တွင် မေးရန်